|
|
||||||
|
|
|
|
|
|
|
Cio̲o̲k 14
1 Kɛ ni̲n ti te kua̲r titi thi̲n a la Ama-rapɛl
kuäär Caynar, kɛɛ Ariɔk kuäär Elathar, kɛ
Cɛ-tɔ-rɛ-lɛy-ɔmɛr kuäär Ilam, kɛɛ Taydɔl
kuäär Gɔyim, 2 kua̲r tɔtɔ cukɛ nyiëëny kɛ
Bɛra kuäär Thɔdɔm, kɛɛ Bi̲rca kuäär Gɔmɔra,
kɛɛ Cinap kuäär Adɛma, kɛɛ Cɛmɛbɛr kuäär
Dhɛ-bɔɔyim, kɛ kuäär Bɛla min la Dhoar. 3
Cu kɛn diaal tɔtɔ ro mat ko̲o̲r lo̲o̲lä Thidim
min la Bar Katɛ. 4 Cukɛ lät kɛ
Cɛ-tɔ-rɛ-lɛy-ɔmɛr kɛ run wäl wi̲cdɛ rɛw, kä
kɛ run wäl diɔ̲kdiɛn cu kɛn ɛ lo̲k. 5 Kɛ wäl
ŋuaan runi cu Cɛ-tɔ-rɛ-lɛy-ɔmɛr kɛnɛ kua̲r
tëë te kɛɛl kɛ jɛ ben, cukɛ ji Rɛpɛyim gel
kä Ac-tɛ-roth-kar-nayim, kɛ ji Dhu-dhim kä
Hɛm, kɛ ji Emim kä Ca-pɛ-kiri-riath-ayim,
(Page 43)
6 a mäni ji Hɔrayt kä päm mi cɔal i Thiɛɛr,
a räth kä Elparan min te kui̲c dɔaar. 7
Täämɛ cukɛ ro riet jɔk, kä cukɛ ben kä
En-ɛmi-cɛpat min la Kɛydɛc, kä cukɛ ro̲l ji
Ama-lɛ-kayt kɛɛliw gel a mäni ji Amarayt ti
cieŋ kä Ha-dha-dhɔn-tamar. 8 Kä cu kuäär
Thɔdɔm wä raar kɛnɛ kuäär Gɔmɔra, kɛ kuäär
Adɛma, kɛ kuäär Dhɛboyim, kɛ kuäär Bɛla min
la Dhoar, kä cukɛ ro mat ko̲o̲r lo̲o̲lä Thidim.
9 Nyieenykɛ kɛ kuäär Cɛ-tɔ-rɛ-lɛy-ɔmɛr kä
Ilam, kɛɛ Taydɔl kuäär Gɔyim, kɛ Ama-rapɛl
kuäär Caynar a mäni Ariɔk kuäär Elathar.
Kua̲r ŋuaan nyieenykɛ kɛ kua̲r dhieec. 10
Täämɛ lo̲o̲l Thidim cɛ thia̲a̲ŋ kɛ puɔ̲l ti nuɛ̈t
nuɛ̈ɛ̈t. Mëë ci kua̲r Thɔdɔm kɛnɛ Gɔmɔra ro
bar cu tha̲a̲ndiɛn pɛn rɛydiɛn, kä cu duɔth-
kiɛn ro bar wi̲c pa̲a̲m. 11 Cu ji tɛ̈r kuak kɛ
mi̲th Thɔdɔm kɛnɛ Gɛmɛra coo pɛc kɛn diaal
ɛwic, kä cukɛ wä dupdiɛn. 12 Cukɛɛ Lɔt
gat däman Abram mi cieŋ kä Thɔdɔm ni pɛc bä
kɛɛ kuakɛ diaal, kä cukɛ jiɛɛn.
(Page 44)
13 Kä ram mi ci rɔ bar cuɛ bɛn la̲r Abram
in la Hibɛruw in cieŋ kut jiɛn ok
Mɛ̈mɛrɛy min la raan Amarayt, däman Ecɔl kɛnɛ
Anär. Kɛ kɛn mäthni Abram rɛy köör.
14 Mëë ci Abram ɛ liŋ i caa nɛy ti maar kɛ
jɛ pɛc ko̲o̲r, cuɛ wutni köör böth raar ti
diëthkɛ ni gɔɔliɛn pa̲ny, wutni ti kur diɔ̲k
wi̲cdɛ jɛn bädäk. Cu kɛn kɛ cuɔp lɛɛr kä
Dɛ̈n. 15 Kɛ wäär, cuɛ kɛ kuëny tuɔ̲ŋ, jɛn
kɛnɛ ji la̲tdɛ, kä cuɛ kɛ jɔc, kä cuɛ kɛ piet
kä Hoba kui̲c Da-math-käth. 16 Täämɛ cuɛ
kuak diaal luɔ̲ɔ̲c jɔk mäni watdɛ ni Lɔt bä
kɛɛ kuakɛ, kɛ män a mäni nɛɛkɛ. 17 Kɛ kɔr
gua̲th ëë luny kɛ jɛ jɔk jucä Cɛ-tɔ-rɛ-lɛy-
ɔmɛr kɛnɛ kua̲r tin kɔkiɛn, cuaa jɛ lor ɛ
kuäär Thɔdɔm lo̲o̲lä kä Cɛypä mi cɔal i Lo̲o̲l
Kua̲r. 18 Kä cu Mɛl-kith-ɛdɛk-kuäär Thɛylɛm
mi̲th nööŋ raar kɛnɛ kɔaŋ. E jɛn gua̲n
ŋuɔ̲tni Kuɔth in di̲i̲t. 19 Kä cuɛ jɛ poth,
cuɛ wee, "A Abram puɔthkɛ ɛ Kuoth in di̲it,
(unclear) äk nhial kɛnɛ piny.
(Page 45)
20 A puɔ̲th wä bä kä Kuoth in di̲i̲t mëë ci
ji̲ tɛ̈ru la̲th tetkädu." Kä cu Abram kɛl
wäli ŋɔakni diaal ka̲m ɛ.
21 Kä cu kuäär Thɔdɔm Abram jiök, "Kämni
ɤä pua̲ny nath, ku ka̲n ni ŋɔak kɛ kui̲cdu. 22
Cu Abram kuäär Thɔdɔm jiök, "Ɣän cä jɛ yac
nhiam Jaopa Kuoth in di̲it mi cak nhial kɛnɛ
piny 23 ɛn ɤöö cäŋ ɛɛ lath 'caa bi ka̲n kiɛɛ
la̲a̲k wa̲a̲ri, kiɛɛ duɔ̲ɔr mi la duŋdu mää
mi yi̲ki jɛ lar, i caa Abram moc ria̲ŋ kɛ jɛ.
24 Thilɛ mi bä ka̲n ɛ ni min caa cam ɛ
ŋuɛ̈tni kɛnɛ kui̲c wutni tin ci wä kɛ ɤä kɛɛl.
Aa Anär kɛnɛɛ Ecɔl kɛɛ Mɛ̈mɛrɛy ka̲n kɛ
kuii̲diɛn."
(Page 46)
| Nuer Field Project | Nouns | Verbs | Verb Book | Expressions | Grammar | Genesis | Others |