Chapter 2

Bible Translation

Cio̲o̲k 2

1 Cuɛ nhial kɛnɛ piny ku thuk kɛ ŋɔakiɛn
diaal ti ŋuan ti bath dɔɔr. 2 Kä kɛ cäŋ in
bärɔwdiɛn cu Kuoth la̲tdɛ mi cɛ la̲t thuk. Cuɛ
lɔ̲ɔ̲ŋ lätnikɛ diaal tëë cɛ la̲t kɛ cäŋ in
bärɔwdiɛn. 3 Cu Kuoth cäŋ in bärɔwdiɛn
poth, kä cuɛ jɛ jak kä cäŋ mi rɛl rɔ kɛ ɤöö
cɛ lɔ̲ɔ̲ŋ ɛn cäŋ ɛmmɔ lätnikɛ diaal tëë cɛ la̲t
ni cäkä ɤɔaa.
4 Titi kɛ kɛn ka̲a̲th nhial kɛnɛ piny tëë
cakkɛ mëë cak Kuoth Jaopa piny kɛnɛ nhial.
5 Thilɛ wal dɔaar ti ci do̲ny piny, kä ŋot
juaac ti camkɛ 'kenkɛ ni päl, kɛ ɤöö ŋot
Kuoth Jaopa 'kenɛ nhial ni jak kä dɛm wi̲c
muɔ̲ɔ̲n, kä thilɛ ɤɔw raan mi dee piny pur.
6 Kä kɛ gua̲de cu rur ben raar piny, kä cuɛ
wi̲c muɔ̲ɔ̲n wac kɛɛliw. 7 Ni ɛn guäth ɛmɔ cu
Kuoth Jaopa raan täth kɛ tur piɛny.

(Page 5)

kä cu raan cua ram mi tëk.
8 Kä̈ cu Kuoth Jaopa kak wal pith kä Idɛn
kui̲c ɔ wëë kä käny ca̲ŋɔ. Cuɛ wut in cɛ täth
la̲th thi̲n. 9 Cu Kuoth Jaopa jiɛn diaal ti
gɔw guecdiɛn, kä comkɛ kɛ kui̲c mieth jak kä
pith muun. A mäni jiath teekä cɛ jɛ jak kä
pith däar kakä, kɛn jiath ŋäcä gɔɔyä kɛnɛ
jiääk. 10 Cu yier lo̲ny rɛy kakä kä Idɛn,
cuɛ kɛ̈r, cuɛ kak wac. Cuɛ rɔɔdɛ bak yier
da̲ŋ ŋuaan.
11 Ciöt yiëër in nhiam cɔalɛ Pacɔn. E jɛn
yier in lo̲ny rɛɛtɛ rɛy rööl in cɔal i Habila,
gua̲a̲ mi te kɛɛ da̲a̲p. 12 Kä da̲a̲p rööl ɛmɔ
gɔaaɛ, kä te ro̲l ɛmɔ kɛ päm mi cɔal i
bɛdɛli-yum kɛnɛ ɔnɛk. 13 Ciö̈t yiëër in
rɛwdɛ cɔalɛ Gayɔn. E jɛn yier in lo̲ny rɛɛtɛ
ni ro̲l Kuc kɛɛliw. 14 Kä ciöt yiëër in
diɔ̲ɔ̲diɛn cɔalɛ Hidikɛl mi lo̲ny kä käny ca̲ŋ
kë Athiriyä. Kä ŋuaan yiëri ɛ jɛn
Yupa-rɛyti.

(Page 6)

15 Cu Kuoth Jaopa wut indan ka̲n, cuɛ jɛ wä
la̲th rɛy kakä kä Idɛn kɛ ɤöö bɛ jɛ pur, kä
bɛ jɛ yiop. 16 Kä cu Kuoth Jaopa wut ɛmɔ
luek a bum ɛtet, cuɛ wee, "Jien diaal ti te
rey kakä bi ji̲n kɛ cam kɛ pek mi go̲o̲ri. 17
Kä jiath duŋä ŋäcä gɔɔyä kɛnɛ jiääk 'ci jɛ
bi cam kɛ ɤöö ɛn cäŋ ɔ cami jɛ mɔ bi li̲̲w
ɛpuc.
18 Tääme Kuoth Jaopa cuɛ wee, " 'Cɛ gɔaa ɛn
ɤöö bi wut ɛmɛ cieŋ kä rɔaadɛ, Ɣän bä jɛ lät
kä luääk mi bi rɔ lot kɛ jɛ." 19 Kuoth
Jaopa cuɛ ley dɔaar diaal kɛnɛ diit nhial
diaal täth muun. Cuɛ kɛ no̲ŋ wut ɛmɔ kɛ ɤo̲o̲
bɛɛ nɛn ciöt ɔ bɛ cɔɔl ni kɛ mɔ. Kä̲ ciöt ɔ
ci Adam ɛ cɔɔl ni duɔ̲ɔ̲rɔ kä ti diaal ti caa
cak lapɛ cuaa jɛn ciötde. 20 Cu wut ɤc̲k
diaal ca̲k ciööt, kɛnɛ diit nhial diaal, kɛ
ley dɔaar diaal ɛwic. Kä ŋotɛ, 'ka̲n luääk
mi lot rɔ kɛɛ wut ɛmɔ kɔŋ jek. 21 Kä cu
Kuoth Jaopa wut ɛmɔ jak kä nin kɛ nien mi
di̲i̲t, kä gua̲a̲th ëë tëë ni̲n cuɛ nyietdɛ kɛl
guath puɔ̲ɔ̲nydɛ, kä cuɛ gua̲a̲dɛ kuɔ̲m thi̲n kɛ ri̲ŋ.

(Page 7)

22 Kä Kuoth Jaopa cuɛ ɛn nyiet in cɛ guath
puɔ̲ɔ̲ny wutkä mɔmɔ lät ni ciek, kä cuɛ jɛ nöŋ
wut. 23 Cu wut ɛmɔ wee, "Täämɛ, nɛmɛ ɛ jɛn
cɔ̲a̲a̲ cɔ̲ɔ̲nikä kitɛ, kɛnɛ ri̲ŋ rieŋdä, kä baa
jɛ cɔl i Ciek kɛ ɤöö ka̲mkɛ jɛ raar puɔ̲ɔ̲ny
wutkä." 24 Kɛ kui̲c ɛmɔ bi wut duel gua̲n
kɛnɛ man ba̲ny piny bɛ rɔ wä kuak kä ciekdɛ,
bikɛ cuaa ri̲ŋ kɛl. 25 Kä wut ɛmɔ kɛnɛ
ciekdɛ thil pua̲nykiɛn kuumni, kä 'cikɛ po̲c.