Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 22

1 Kɛ kɔr ŋɔaani tɔtɔ cu Kuoth Abɛraam
lɔcdɛ thɛm, cuɛ jɛ jiök, "Abɛraam." Kä cuɛ
jɛ loc, "Ɣän ɛn." 2 Cuɛ wee, "Käni gatdu,
gatdu in kɛl kä rɔa ni Aydhɛk min nhɔki, wër
muun Mɔraya, Wër näk ɛ thɔ̲ŋɛmi a la loor
Kuɔth in laa nyɔ̲a̲rkɛ wii pa̲a̲m kɛl mi bä nyuɔ̲th
ji." 3 Cu Abɛraam rɔɔdɛ coo jiɛc kɛ runwaŋ
ɛlo̲ŋ, cuɛ nyin jɔak muɔ̲lɛ yian, cuɛ ŋuɛ̈tnikɛ
da̲ŋ rɛw ka̲n kɛ gatdɛ ni Aydhɛk¨cuɛ jiɛn
rial ikä kɛ kui̲c loorä Kuɔth, kä cuɛ wä
gua̲a̲th ëë ci Kuoth ɛ lar ɛ i bɛ wä thi̲n. 4
Kɛ diɔ̲ɔ̲k ni̲ni cu Abɛraam lët, cuɛ gua̲a̲th nɛn
a na̲n. 5 Täämɛ cu Abɛraam ŋuɛ̈tnikɛ jiök,
"Ta̲yɛ wanɛmɛ kɛɛ muul ɛmɛ, a kɔ wakɔ nhiam
kɔnɛ gat, bakɔ wä pal thɔ̲ŋɛmi, bakɔ luny kä
yɛ." 6 Cu Abɛraam jiɛn loorä Kuɔth ka̲n,
cuɛ kɛ la̲th jɔɔ gatdɛ ni Aydhɛk. Cuɛ mac
kɛnɛ ŋɔ̲m ku lɛ rɔm kɛ tetdɛ, cu kɛn da̲ŋ rɛw
ku wä kɛɛl. 7 Kä cu Aydhɛk gua̲n ni
Abɛraam jiök, "Guaadi̲n!" Cu gua̲n ɛ loc,
"Ɣän ɛn, gatdä." Cuɛ wee, "Nɛn ɛ, mac kɛnɛ
jiɛn tin,

(Page 72)

kä dɔw dɛ̈ɛ̈l rɔɔmä min baa loor ri Kuoth a
ni?" 8 Cu Abɛraam wee, "Gatdä, Kuoth bɛ rɔ
rial ikä kɛ dɔw dɛ̈ɛ̈l rɔɔmä mi bi a loor kɛ
kui̲cdɛ."
9 Mëë cikɛ ben guäth ëë ci Kuoth ɛ la̲r ɛ cu
Abɛraam gua̲a̲th mi dëë Kuoth na̲k dɔw dɛ̈ɛ̈l
thi̲n la̲t. Cuɛ jiɛn kueŋ ikä, kä cuɛ gatdɛ
ni Aydhɛk yiɛn, cuɛ jɛ cak wii jiɛn. 10
cu Abɛraam tetdɛ riny, cuɛ ŋɔ̲m kuany mi ɛ
jɛn i bɛ ŋoot ni gatdɛ. 11 Kä cu jääk
Jaopa jɛ cɔl nhial, cuɛ wee, "Abɛraam!
Abɛraam!" Cu Abɛraam ɛ jiök, "Ɣän ɛn!" 12
Cuɛ wee, " 'Cu gat gueer. ' Cu met tee mi
läti kä jɛ kɛ ɤöö ɛn täämɛ cä jɛ ku thuŋ ŋa̲c i
luthi Kuoth ni kɛ guecdä min nɛ̈ɛ̈nä ji, kɛ min
'keni ɤä pen gatdu, gat kɛl ni kä rɔa." 13
Cu Abɛraam wi̲cdɛ jiac nhial, cuɛ liɛɛc, cuɛ
tut dɛ̈ɛ̈l nɛn jɔɔdɛ caa tuɔ̲ŋkɛ rɔk ɛ but but.
Cu Abɛraam wä, cuɛ tut dɛ̈ɛ̈l ka̲n cuɛ jɛ näk
kɛ gua̲a̲ gatdɛ a la loor Kuɔth. 14 Cu
Abɛraam gua̲a̲th ɛmɔ coo cɔl i "Bi Kuoth mi
görkɛ ŋun." Cet kɛ min la larkɛ täämɛ, i

(Page 73)

"Wii pa̲a̲m Jaopa baa min görkɛ ŋun." 15
cu jääk Jaopa Abaraam cɔl kɛ rɛwdɛ nhial,
16 cuɛ wee, "Ci Jaopa jɛ lar, Ɣän cä jɛ
yac kɛ ciötdä kɛ ɤöö ci nɛmɛ la̲t a 'keni ɤä
pen gat, gatdu in kɛl kä rɔa, 17 Ɣän bä ji
poth ɛlo̲ŋ. Bä Kuayku jak kä ŋuan a bikɛ mat
cet kɛ kuɛl kɛnɛɛ liɛt yiëër, kä bi kuayku
ciëëŋ ji tɛ̈riɛn ka̲n. 18 Baa dör ɤɔaa diaal
poth kɛ kuayku kɛ ɤöö ci ji̲n mi cä la̲r i
la̲t." 19 Cu Abɛraam coo luny kä ŋuɛ̈tnikɛ,
cukɛ jiɛɛn cukɛ wä kä Birciiba kɛɛl. Cu
Abɛraam cieŋ kä Birciiba.
20 Kɛ kɔr ŋɔaani tɔtɔ cuaa Abɛraam jiök,
"Guic ɛ, a mäni Milika cɛ dämuɔɔr ni Nayɔr
diëth gaat: 21 Adh in la kɛ̲̈ɛ̲̈dɛ, kɛ Bädh
in la däman, kɛɛ Kɛmuɛl mi la gua̲n Aram, 22
kɛɛ Cɛthɛt, Hadhɔw, kɛ Pildac, kɛɛ Jitɛlap,
kɛɛ Bɛthuɛl." 23 Cu Bɛthuɛl a gua̲n Ribɛkä.
Gaat da̲ŋ bädäk titi cu Milika kɛ diëth Nayɔr
däman Abɛraam. 24 Cu luɔmdɛ mi cɔal i Ruma
gaat dieth kɛ jɛ: Tiba, Gaam Taac kɛɛ Maaka.

(Page 74)

Nuer Field Project Nouns Verbs Verb Book Expressions Grammar Genesis Others