Chapter 3

Bible Translation

Cio̲o̲k 3

1 Tääme thɔ̲l ɛ jɛn ley mi pɛl kɛ pɛ̈l mi
wän wän kä ley diaal ti ci Kuoth Jaopa kɛ
la̲t. Cuɛ ciek thiec, "Ci Kuoth ɛ lar, i
'Ci yɛn dɛy jiɛn kakä bi cam kɛn diaal?" 2
Kä cu ciek thɔ̲l jiök, "Caa ney nhök ɤöö bi
nɛy dɛy jien kakä cam. 3 Kä ci Kuoth ɛ lar
i, 'Ci yɛn bi mi̲th kä dɛy jiaath in te däär
kakä, kä' ciaa bi guëër, mää̈ mi yi̲k yɛn li̲w."
4 Kä cu thɔ̲l ciek jiök, " 'Ciaa bi li̲w. 5
Ke ɤöö ŋäc Kuoth ɛ i mi wä yɛn ɛ cam bi
wäŋkun ro lɛp, bia min jiääk kɛnɛ min gɔaa
ŋac cet kɛ Kuoth"

(Page 8)

6 Mëë ci ciek ɛmɔ ja guic inɔ ɛn ɤöö gɔaa
jiath ɛmɔ kɛ mieth, ka mooc guecdɛ naath
tɛ̈th lɔaac, kɛnɛ ɤöö jiath ɛmɔ dëë jɛ go̲r
kɛ ɤöö bɛ raan jak kä pɛl, ɛn guäth ɛmɔ cuɛ
dɔw jiaath ɛmɔ ka̲n, kä cuɛ jɛ cam, kä cuɛ
tha̲a̲ndɛ ka̲m cɔwdɛ cuɛ jɛ cam. 7 En guäth
ɛmɔ cu wäŋkiɛn kɛn diaal ro lɛp, kä cu kɛn ɛ
coo ŋa̲c i thilɛ pua̲nykiɛn kuumni. Cukɛ ji̲th
jiaath ŋɔaap kɔc kɛɛl, kä cukɛ ro lät kä
gut gutni.
8 Kä cukɛ jɔw Kuɔth liŋ jälɛ rɛy kakä ɛn
thiaani nɔmɔ. Kä cu wut kɛnɛ ciekdɛ ro tɛ̲̈ɛ̲̈
kɛ Kuoth. 9 Cu Kuoth Jaopa wut ɛmɔ cɔl, cuɛ
jɛ thiec, "Ji̲n a ni̲?" 10 Cuɛ Jɛ jiök, "Yän
cä jɔwdu liŋ rɛy kakä, kä cua dual kɛ ɤöö
thilɛ puɔ̲nydä kuum, cua rɔ tɛ̲̈ɛ̲̈." 11 Cuɛ
wee, "E ŋa mi lärɛ ji i thilɛ puɔ̲nydu kuum?
Ci ji̲n mi̲th kä dɛy jiaath mi cä ji luek thi̲n
i 'Cu kɛ cam? 12 Cu wut ɛmɔ Jɛ jiök,
"Ciek mi ci Ji̲n ɛ ka̲m ɤä i bɛ te kɛɛl kɛ ɤä
ɛ jɛn käm ɤä dɔw jiaath ɛmɔɔ, cua je coo cam."

(Page 9)

13 Kä cu Kuoth Jaopa ciek ɛmɔ jiök, "E ŋu nɛ
ci ji̲n ɛ lɛlɛ?" Cu ciek wee, "Thɔ̲l ɛ jɛn
mɛɛt ɤä mɔ, cua cam." 14 Cu Kuoth Jaopa
thɔl jiök, "Kɛ ɤöö ci nɛmɛ lɛl ci lamdu di̲t
kä ɤɔ̲k diaal ɛwic a mäni ley dɔaar diaal.
Bi ja̲l kɛ bapdu, kä bi cam ni tur piɛny
ni̲ni teekädu diaal. 15 Yän bä kamdu moc
tɛr yɛnɛ ciek, kɛ kam ganku kɛnɛ gaatkɛ. Bɛ
wi̲cdu yɔ̲t, kä bi ji̲n ŋul cio̲kdɛ kac."
16 Kä cuɛ ciek jiök, "Yän bä bɛ̈c dapädu rep
ɛlo̲ŋ. Bi ji̲n dap kɛ dap mi bɛc bɛc, kä cäŋ
bɛ te inɔ bɛ ŋot go̲o̲ri cɔwdu, kä bɛ ji
ruac."
17 Cuɛ Adam jiök, "Kɛ ɤöö ci ruac ciëkdu
liŋ kɛ ɤöö ci mi̲th kä jiath mi cä ji luek
thi̲n i "Ci bi mi̲th thi̲n, Yän cä mun lam kɛ
kui̲i̲du, bi mi̲th muun kɛ la̲t mi bum bum ni̲ni
teekädu diaal. 18 Bi mun ji dieth kuiy
kɛnɛɛ juaac kuiyni, kä bi ji̲n a cam ne wal
kakä. 19 Bi mi̲th a ci leth nhiamdu pɛ̈ɛ̈n
mäni cäŋ mi wä puɔ̲nydu loc muun kɛ ɤöö
la̲tkɛ ji kɛ jɛ.

(Page 10)

E ji̲n tur piɛny, bi ji̲n rɔɔdu lɛ nyɔk kɛ
looc tur." 20 Cu wut ɛmɔ ciöt ciëkdɛ cɔl
i Ip kɛ ɤöö cuaa jɛn man nɛɛni diaal. 21
Cu Kuoth Jaopa Adam kɛkɛ ciekdɛ ni Ip lät
kä dua̲li, kä cuɛ kɛ kum.
22 Kä cu Kuoth Jaopa ku wee, "Nɛ̈nɛ jɛ, täämɛ
caa raan cet kɛ kɔn, a ŋäcɛ min jiääk kɛnɛ
min gɔaa. Niɛkɛ jɛ, tuŋ mää mi yi̲kɛ tetdɛ
riny a bɛ jiath teekä ka̲n a bɛɛ cam, kä be
tëk ke tëk mi thil pek .." 23 Kɛ kui̲c emɔ cu
Kuoth Jaopa jɛ jak kä raar rɛy kakä Idɛn, kä
bɛ mun ëë la̲tkɛ jɛ kɛ jɛ pur. 24 Cuɛ wut
ɛmɔ tuɔ̲k raar, kä cuɛ kui̲c kakä Idɛn mi lot
ni käny ca̲ŋ moc cɛrɛbim. Cuɛ go̲cɛ mi te kɛ
bo̲l mi la rɔ a ri̲t kui̲cɔ kɛnɛ kui̲cɔ la̲th
thi̲n kɛ ɤöö bɛ duɔ̲ɔ̲p jiaath teekä gaŋ.

(Page 11)