Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 32

1 Cu Jɛykɔp tɛth piny. Cukɛ wä röm kɛn
ja̲a̲k Kuɔth. 2 Mëë ci Jɛykɔp kɛ nɛn cuɛ wee,
"Mɛmɛ ɛ rɛm Kuɔth, cuɛ gua̲a̲th ɛmɔ cɔl i
Ma-ha-naym. 3 Cu Jɛykɔp naath jäk kä
nhiamdɛ kä dämani Ithɔɔ muun Thi̲i̲r ro̲o̲l Idɔm
4 gi̲kɛ jɛ kɛ, i "Bi yɛn ɛ la̲r kuäärä ni
Ithɔɔ inɛ, läätdu ni Jɛykɔp cɛ wee inɛ, Ɣän
cä ja̲l kɛɛl kɛ Lɛybɛn, kä ta̲kɔ kɛɛl mäni
täämɛ. 5 Kä ta̲a̲ kɛ thääk, mää muɔli, kɛ
det, mäni wutni la̲t, kɛ nyiɛr la̲t. Cä kuäärä
ku lɛ jäk kä raan kɛ ɤöö bä tɛ̈th lɔaac jɛk
nhiamdu. 6 Cu nɛy tin caa ja̲k luny kä
Jɛykɔp, cukɛ wee, "Kɔn cakɔ wä kä dämuɔɔr
ni Ithɔɔ a jɛn a bëëni, bëëni, bëë ji ben lor kɛɛl
kɛ nɛy ti kur ŋuaan. 7 Täämɛ mëë ci
Jɛykɔp ɛ liŋ inɔ cuɛ dual ɛlo̲ŋ, kä cuɛ ŋɛ̈ɛ̈r.
Cuɛ nɛy tin te kɛɛl kɛ jɛ dääk kä bun da̲ŋ
rɛw mäni det, mäni ɤɔ̲k, kɛ thɔ̲a̲rɔ̲a̲a̲li. 8
Caarɛ jɛ i mi wä Ithɔɔ röm kɛ buɔ̲n kɛl, kä
bɛ jɛ däk, bi buɔ̲n in dɔ̲ŋ rɔ la̲ny jɔ̲ɔ̲r.

(Page 123)

9 Kä cu Jɛykɔp wee, "Aɤ Kuoth gua̲a̲r ni
Abɛraam, Kuoth gua̲a̲r ni Aydhɛk, aɤ mëë
jio̲k ɤä i Locni ro̲o̲lun kä watkun, i kä bä ji
lät kä mi gɔaa 10 'ci ɤän ro̲ŋ kɛ gɔɔy kɛ
nhökdu kɛɛliw mi 'ci rɔ wany mi ci ji̲n ɛ ka̲m
ɤä mäni yoopdu kɛ ɤä mi ci Ji̲n ɛ nyuɔ̲th
läätdu, kä cuaa yier Jɔrdɔn ɛmɛ ŋuɔk kui̲c ni
kɛ taandä nɛmɛ kä rɔa, kä täämɛ cä ŋɔ̲a̲a̲ŋ a
cä bun rɛw cop. 11 Ɣän la̲ŋä ni Ji, kän ɤä
tetkä dämaar, tetkä Ithɔɔ kɛ ɤöö dualä kɛ jɛ,
ɛ ɤän i mäni mi yi̲kɛ man ni gan näk mäni
gaat. 12 Kä ci Ji̲n ɛ kɔŋ lar, i Bä ji lät
kä mi gɔaa, bä kuayku jak kä ŋuan cet kɛ
liɛt yiëër in caa luäŋ kɛ kuën kɛ ɤöö ŋuankɛ."
13 Cuɛ coo niɛɛn in wanɛmɔ ɛn waari mɔmɔ,
cuɛ muc ka̲m raar kä tin te kɛ jɛ kɛ kui̲c
däman ni Ithɔɔ. 14 Bowni ti ŋut ti kur rɛw,
thääk deet bowni ti jɛn rɛw kɛnɛ rɔɔm ti
ŋut ti kur rɛw kɛ thääk rɔɔmni ti jɛn rɛw.
15 Ŋut thɔ̲a̲rɔ̲a̲a̲li ti la̲a̲r ti jɛn diɔ̲k, kɛ
dɛykiɛn, kɛ ŋut ɤɔ̲ɔ̲k ti jɛn ŋuaan, kɛ thääk
ɤɔ̲ɔ̲k ti jiath kɛl, kɛ ŋut muɔ̲li ti jɛn rɛw,

(Page 124)

16 Cuɛ kɛ ka̲m tet la̲a̲tnikɛ, cukɛ kɛ cuac
bunikiɛn gööli, kä cuɛ la̲a̲tkɛ jiök, "Wɛ̈ɛ̈
nhiamdä, cuacɛ kɛ a muɔcɛ kɛ kam." 17
jɛn cuɛ ram in te ni luɔnydɛ nhiam jiök, cuɛ
wee, "Mi wä yɛn wä röm kɛ dämaar ni Ithɔɔ,
mi wee yɛ wä thiec i Kɛ yɛn nɛy ŋa? i Kä
wɛ̈ɛ̈ ni kä, kä ti te jɔɔcdun ti kɛ nyi̲n ŋa?
18 Jio̲k ni jɛ, "Kɛ nyi̲n läätädu ni Jɛykɔp.
Kɛ muc ti ja̲kä kä kuäärä ni Ithɔɔ, kä dɔdiɛn
jio̲k ni jɛ, i jɛn a bëëni kɔɔra." 19
cuɛ nɛy tin kɔkiɛn tin guɔ̲ɔ̲rkɛ ɤöth la̲r jɛn
ruac ɛ kɛlɔ, i Bi yɛn Ithɔɔ la̲r ni ɛn ruac
ɛ kɛlɔ mi wɛ̈ɛ̈ wä rööm kɛ jɛ. 20 Kä bi yɛn
ɛ lɛ ni a lär ɤöö läätdu ni Jɛykɔp a bëëni
kɔɔra kɛ ɤöö cɛɛ car i Ɣän bä lɔcdɛ jak kä
kɔ̲c kɛ jɛn muc ɛ cä jäk kä nhiamdä mɛ, kä kɛ
kɔrɛ bä nhiamdɛ ku lɛ nɛn, bɛ ɤä nhɔk mi wëë
ɤä nɛn. 21 Cu muc coo wä nhiamdɛ inɔ, kä
puɔ̲nydɛ cuɛ niɛɛn ɛn gua̲a̲th ɛ cikɛ pua̲t
thi̲nɔ kɛ jɛn wäär ɛmɔ.
22 Kɛ jɛn wäär ɛmɔ cuɛ mänkɛ da̲ŋ rɛw ka̲n
kɛnɛ nyier la̲tdɛ da̲ŋ rew,

(Page 125)

kɛ gaat da̲ŋ wäl kɛl, cukɛ jɛth kä Jɛybɔk
gua̲a̲ mi ci yieer a jany jany. 23 Cuɛ kɛ
ka̲n, cuɛ kɛ naŋ kui̲c yiëër, cuɛ ŋɔak diaal ti
te kɛ jɛ jiëëth inɔ. 24 Kä cuaa Jɛykɔp ba̲ny
piny kä rɔa, kä cuɛ te kɛɛ wut mi cu kueer
kɛ jɛ kɛ wäär kɛɛliw mäni bak. 25 Mëë
ci wut ɛmɔ jɛ ŋa̲c ɛn ɤöö 'cɛ Jɛykɔp bi puɔ̲t,
cuɛ juɔɔlɛ thiap, kä cuɛ nyua̲a̲th ni taatdɛ
kɛ gua̲a̲th ëë kui̲rkɛ. 26 Cuɛ wee, "A wa̲a̲,"
kä cu Jɛykɔp ɛ jiök, "Ɣän 'cä ji bi jak kä
wä ɛ ni mi ci ji̲n ɤä kɔn poth." 27 Kä cuɛ
Jɛykɔp thiec, "Cɔal i di?" Cuɛ wee, "E ɤän
Jɛykɔp." 28 Kä cuɛ Jɛykɔp jiök, "'Caa ji
bi lɛ nyɔk kɛ ciöt i Jɛykɔp, baa ji kua cɔalkɛ
i Ithɛrɛl kɛ ɤöö ji̲n ci kueer kɛ Kuoth, kä
ci kueer kɛ naath, kä ci ji̲n kɛ puɔ̲t. 29
Cu Jɛykɔp ɛ lɛ thiec, "Ŋcali ɤä la̲r ciötdu."
Kä cuɛ Jɛykɔp jiök, "Ji̲n, ɛ ŋu go̲o̲ri ciötdä
mɔ?" Cuɛ Jɛykɔp coo poth ɛm wanɛmɔ. 30 Cu
Jɛykɔp gua̲a̲th ɛmɔ coo cɔl i Pɛnayɛl kɛ ɤöö cɛ
lar, i "Ɣän cä Kuoth nɛn thi̲n ni kɛ waŋdä
pa̲ny, kä ŋuɔtä kɛ tët bä.

(Page 126)

31 Cuɛ peek ni kɛ mi rɛɛtɛ Pɛnayɛl, cu cäŋ
käny, jälɛ thiëpɛ kɛ kui̲c juɔlɛ. 32
kui̲c ɛmɔ ɛ jɛn ɛn in 'ci gaat Ithɛrɛl ri̲ŋ
taat a cam mäni walɛ, kɛ ɤöö mëëdan ci
Jɛykɔp nyua̲a̲th wi̲c juɔlɛ.

Nuer Field Project Nouns Verbs Verb Book Expressions Grammar Genesis Others