|
|
||||||
|
|
|
|
|
|
|
Cio̲o̲k 36
1 Täämɛ titi kɛ kɛn kuay Ithɔɔ min la Idɔm.
2 Ithɔɔ cuɛ mänkɛ kuɛn kä nyier Kɛynɛn, kɛ
kɛɛn titi: Adä nya Elɔn raan Hitayt,
O-holi-bamä nya Anä gat Dhiyɔn raan Hibayt,
3 kɛ Bathɛmath nya Icmɛyɛl min la nyiman
Nɛbayɔth. 4 Cu Adä Ithɔɔ diëth gat mi cɔal
i Elipath, kä cu Bathɛmath dap kɛ gatdɛ ni
Rɛyul. 5 Kä cu O-holi-bamä Jɛyuc dieth kɛnɛ
Jalam kɛɛ Korä. Titi kɛ kɛn gaat Ithɔɔ tëë
diëth kɛ jɛ muun Kɛynɛn.
6 Täämɛ cu Ithɔɔ mänkɛ ka̲n kɛ gaatkɛ, kɛ
nyieekɛ, kɛ ji gɔaalɛ diaal, kɛ ɤɔ̲ɔ̲k, kɛ ley
diaal tëë wëë jek muun Kɛynɛn, cuɛ wä ciɛŋ
muun mi na̲n kɛ däman ni Jɛykɔp. 7 Kɛ ɤöö
nyinkiɛn cikɛ ŋuan ɛlo̲ŋ kɛ ŋuan mi di̲i̲t a
'cikɛ dee ro̲ŋ kɛ ciaaŋ guäth kɛl, mun mi
cikɛ wä thi̲n 'cɛ kɛ dee ro̲ŋ kɛ kui̲c ɤɔ̲ɔ̲kiɛn.
8 Kä cu Ithɔɔ wä cieŋ muun löli kä Thi̲i̲r.
Ithɔɔ ɛ jɛn Idɔm.
9 Kä titi kɛ kɛn kuay Ithɔɔ in la gua̲n
Idɔnayt muun löli kä Thi̲i̲r.
(Page 138)
10 Kä titi kɛ kɛn ciööt gan Ithɔɔ: Elipath,
gat ciëkdɛ ni Adä, kɛ Rɛyul gat Bathɛmath min
la ciek Ithɔɔ. 11 Kä titi kɛ gaat Elipath:
Tɛyman, Omar, Dhɛpo, Gatam kɛnɛ Kɛnath. 12
Kä gat Ithɔɔ ni Elipath cuɛ te kɛ ciek mi
luɔm mi cɔal i Timnä. Cuɛ Elipath diëth gat
mi cɔal i Amalɛk. Titi kɛ kɛn gaat Adä min
la ciek Ithɔɔ. 13 Kä titi kɛ kɛn gaat
Rɛyul: Nɛyhath kɛnɛ Dhɛrä, Cɛymä kɛnɛ Midhä.
Titi kɛ kɛn gaat Bathɛmath min la ciek Ithɔɔ
bä. 14 Kä titi bä kɛ kɛn gaat O-holi-bamä
min la nya Adä min ku la gat Dhibiyɔn. Cuɛ
Ithɔɔ diëth Jɛyuc kɛnɛ Jalam kɛ Korä.
15 Kä titi kɛ kɛn kua̲r gan Ithɔɔ: kɛ gaat
Elipath min la gat in kɛ̲̈ɛ̲̈ kä Ithɔɔ. Titi
kɛ kɛn kua̲r: Tɛyman, Omar, Dhɛpo, Kɛnath 16
korä, Gatam a mäni Amalɛk. Titi kɛ kɛn kua̲r
kä Elipath muun Idɔm, kɛ kɛn gaat Adä. 17
Kä titi kɛ kɛn gaat Rɛyul gat Ithɔɔ, kɛn
cukaa kua̲r bä: Nɛyhath, Dhɛrä, Cɛymä a
mäni Midhä. Kua̲r titi kɛ kɛn kua̲r tëë ci
jɔɔc kä gaat Rɛyul kä Idɔm. Kɛ kɛn gaat
Bathɛmath ciek Ithɔɔ.
(Page 139)
18 Kä titi kɛ gaat O-holi-bamä min la ciek
Ithɔɔ, titi kɛ kɛn kua̲r: Jɛyuc, Jalam a mäni
Korä. Cu kɛn da̲ŋ diɔ̲k diaal a kua̲r bä, kä
kɛn diaal gaat O-holi-bamä min la nya Anä
ciek Ithɔɔ. 19 Kä tɔ diaal tɔtɔ kɛ kɛn
gaat Ithɔɔ min la Idɔm, kä tɔtɔ kɛ kɛn kua̲r-
kiɛn.
20 Titi kɛ kɛn gaat Thi̲i̲r min la raan Horayt
tin la ji rööl ɛmɔ: ɛ jɛn Lotan kɛnɛ Copal
kɛ Dhibiyɔn kɛ Anä 21 kɛ Dicɔn kɛnɛ Edhɛr
kɛ Dican. Titi kɛ kɛn kua̲r tëë ci jɔɔc kä
ji Horayt, gaat Thi̲i̲r muun Idɔm. 22 Kä
Lotan cuɛ te kɛ gaat da̲ŋ rɛw, Hori kɛnɛ
Hɛyman, kä nyiman Lotan cɔalɛ Timnä. 23 Kä
titi kɛ kɛn gaat Copal: Alpan, Manahath,
Ebal, Cɛpo kɛnɛ Onam. 24 Kä titi kɛ kɛn
gaat Dhibiyɔn: Ayɔn kɛnɛ Anä. E jɛn Anä ɛn
ëë jek kɔ̲a̲k pi̲i̲ni ti lëth lëth däär dɔ̲a̲a̲r
gua̲th ëë lääkɛ muɔ̲li gua̲n ni Dhibiyɔn thi̲n.
25 Kä titi kɛ kɛn gaat Anä: Dicɔn kɛnɛ
O-holi-bamä min la nya Anä. 26 Kä titi kɛ
kɛn gaat Dicɔn: Hɛmdan, Ecban, Ithɛran kɛnɛ
Cɛran.
(Page 140)
27 Titi bä kɛ gaat Edhɛr: Bilhan, Dhaapan
kɛ Akan. 28 Titi kɛ gaat Dican: Adh kɛnɛ
Aran. 29 Titi kɛ kɛn kua̲r tëë ci jɔɔc kä
ji Horayt: Lotan, Copal, Dhibiyɔn kɛnɛ Anä,
30 Dicɔn, Edhɛr kɛnɛ Dican. Kɛ kɛn kua̲r
tëë jɔc kä ji Horayt kɛ pek thuk duelikiɛn
muun Thi̲i̲r.
31 Kä titi kɛ kɛn kua̲r tin di̲t tëë ruackɛ
muun Idcm ni mëë ŋotɛ 'ken kuäär mi di̲i̲t ni
te kä Ithɛrɛl. 32 Cu gat Bɛyɔr ni Bɛlä a
kuäär mi ruaac Idɔm, kä ciöt wecdɛ cua jɛ
cɔl i Din-habä. 33 Cu Bɛlä li̲w, cu Jopɛ̈p
gat wutä mi cɔal i Dhɛrä raan Bodhrä gua̲a̲dɛ
guäl, cua kuäär. 34 Cu Jopɛ̈p li̲w, kä cu
raan rööl ji Tɛymanayt mi cɔal i Hucam gua̲a̲dɛ
lɛ guäl. 35 Cu Hucam li̲w, cu Hɛydɛ̈t gat
Bɛydɛ̈t ëë joc ji Mi-diɛn-ayt dɔɔr kä Moap
gua̲a̲th kuäärädɛ guäl. Cuaa ciöt wecdɛ min
ciɛŋɛ cɔl i Abith. 36 Cu hɛydɛ̈t li̲w, kä cu
Camlä raan Macɛrɛkä gua̲a̲dɛ guäl. 37 Cu Camlä
li̲w, cu raan Rɛyhoboth mi cɔal i Cawl wi̲c
yiëër mi cɔal i Yu-pɛrɛy-tith gua̲a̲dɛ guäl.
(Page 141)
38 Kä cu Cawl li̲w, cu Bɛɛl-hanan gat Akbor
gua̲a̲dɛ guäl. 39 Cu gat Akbor ni Bɛɛl-hanan
li̲w, cu Hɛydar gua̲a̲dɛ guäl, cuɔ ciöt wecdɛ
cɔl i Paw, kä cɔal ciekdɛ i Mɛ-hɛt-abɛl nya
Matɛrɛt min la nya Mɛdhahap.
40 Titi kɛ kɛn ciööt kua̲ri gan Ithɔɔ kɛ pek
gɔalikiɛn kɛnɛ gua̲th tin cieŋkɛ thi̲n kɛ
ciöötkiɛn: Thimä, Alpan kɛ Jɛthɛth, 41
O-holi-bamä, Elä, Pinɔn, 42 Kɛnath, Tɛyman
kɛnɛ Mip-dhar, 43 kɛ Makdiɛl kɛnɛ Iram..
Titi kɛ kɛn kua̲r Idɔm min la Ithɔɔ gua̲n Idɔm.
Nɛy tɔ kɛ gua̲a̲diɛn mi cieŋkɛ thi̲n rɛy muɔ̲ɔ̲n
mi la duŋdiɛn.
(Page 142)
| Nuer Field Project | Nouns | Verbs | Verb Book | Expressions | Grammar | Genesis | Others |