Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 4

1 Täämɛ cu Adam niɛɛn kɛnɛ ciekdɛ ni Ip.
Cu ciek ɛmɔ ruët, kä cuɛ dap kɛ gatdɛ mi
cɔal i Kɛyn, cuɛ wee, "Täämɛ, cä wut jek
kɛ luäk Jaopa." 2 Cuɛ rɔɔdɛ lɛ ni nyɔk kɛ
dap kɛ gatdɛ mi cɔal i Ebɛl, däman Kɛyn.
Cu Ebɛl ben a yieen deet, kä cu Kɛyn a puur
muɔ̲ɔ̲n. 3 Mëë wëë tee inɛ, cu Kɛyn Jaopa
nöŋ loor kä dɛy wal tin la mun kɛ a dieeth.
4 Cu Ebɛl key ɤɔ̲ɔ̲k ti cuath cuaath liny rɛy
ɤɔ̲ɔ̲k, cuɛ kɛ nöŋ Jaopa. Kä cu Jaopa Ebɛl
ŋic kɛnɛ loorikɛ. 5 Kä 'kenɛ Kɛyn ŋic kɛnɛ
loorikɛ. Cu Kɛyn lɔcdɛ kɛ̈c a bi nhiamdɛ
jiääk ɛjiäk. 6 Cu Jaopa Kɛyn thiec, "E ŋu
ci kɛ̈c inɔmɔ? Kä ɛ ŋu ci nhiamdu jiääk
ejiäk inɔmɔ? 7 Mi duŋ läti a gɔaa, 'caa
ji dee nhɔk? Kä mi ' ci gɔw bi la̲t, duer
bi̲me thoo duëël go̲o̲rɛ ni ji, kä ɛ wi̲cdu i
bi jɛ puɔ̲t."
8 Cu Kɛyn däman ni Ebɛl jiök, "Wanɛ rɛy
ka̲a̲ni". Kä kɛ gua̲a̲th ëë tekɛ rɛy ka̲a̲ni cuɛ
Kɛyn lɔcdɛ wëŋ däman ni Ebɛl, kä cuɛ jɛ näk.

(Page 12)

9 Täämɛ cu Jaopa Kɛyn thiec, "Dämuɔɔr ni
Ebɛl a ni?" Cuɛ loc, "Ɣän kuecä gua̲a̲dɛ. E
ɤän yieen dämaar?" 10 Kä cu Jaopa jɛ jiök,
"Ji̲n ci ŋu lɛl? Jɔw riɛm dämuɔɔr ro̲lɛ ɤä
muun. 11 Kä täämɛ, ji̲n caa ji lam muun, mun
in ci riɛm dämuɔɔr math riɛm in wuth ni ji̲n
piny kɛ tetdu. 12 Mi wä ji̲n puur, 'cɛ
buɔ̲mdɛ bi lɛ ka̲m ji. Ji̲n bi pi̲r dɔɔr, bi aa
jääl ɤɔaa."
13 Cu Kɛyn Jaopa jiök, "Duäcdu kɛ ɤä cɛ dit
ɛlo̲ŋ a cɛ ɤä tiam. 14 Nɛn ɛ, cäŋɛ walɛ mɛ
ci ɤä juɔc raar purä muɔ̲ɔ̲n, kä bä coo bath
nhiamdu, kä bä coo pi̲r dɔɔr, bä coo a jääl
dɔaar rɛy ɤɔaa. Ram mi wä ɤä jek bɛ ɤä näk."
15 Kä cu Jaopa jɛ jiök, " ' Ci ɛ jɛn. Mi
wëë wä tekɛ ram mi bi Kɛyn näk, täämɛ duäc
cutädɛ bɛ pɛn wi̲c raam ɛmɔ ni kä bärɔw."
Kä cu Jaopa puɔ̲ny Kɛyn moc kɛ biɛl kɛ ɤöö
cäŋ tëë kɛ ram mi wä jɛ jek, 'cɛ jɛ bi lɛ ni
näk.
16 Täämɛ cu Kɛyn jiɛɛn nhiam Jaopa, cuɛ wä
cieŋ muun kui̲c känykä ca̲ŋ kä Idɛn wi̲c mi
cɔal i Nɔt.

(Page 13)

17 Cu Kɛyn niɛɛn kɛnɛ ciekdɛ, kä cuɛ ruët,
cue gat mi dho̲o̲l dieth mi cɔal i Inɔk. Cuɛ
wec la̲t, cuɛ wec cɔl kɛ ciöt gatdɛ ni Inɔk.
18 Cu Inɔk gat mi cɔal i Irat dieth. Cu
Irat Mɛy-ujɛl dieth. Cu Mɛy-ujɛl Mɛth-ucɛl
dieth. Cu Mɛth-ucɛl Lɛmɛk dieth. 19
cu Lɛmɛk kuɛɛn kɛ män d̲aŋ rɛw. Ciek kɛl
cɔal ciötdɛ i Ada, kä ciek in dɔdiɛn cɔalɛɛ
Dhila. 20 Cu Ada Jɛybɛl dieth. Jɛybɛl
cuaa gu̲an nɛɛni tin laa cieŋ duëli tin laa
la̲tkɛ kɛ dua̲li, kä yiankɛ ɤɔ̲k. 21 Ciöt
däman cɔalɛ Jubal. Cuaa gua̲n nɛɛni tin laa
pua̲tkɛ ni thuɔmni, kä kuɔthkɛ ni kaaŋni.
22 Cu Dhila Tubal-kɛyn dieth. Cuaa gua̲n
nɛɛni tin laa yio̲w a ta̲thkɛ, laandiitni
kɛnɛ la̲ŋ. Nyiman Tubal-kɛyn cɔalɛ Nɛɛyma.
23 Cu Lɛmɛk mänkɛ jiök, "Ada yɛnɛ Dhila,
liɛŋɛ ruacdä, yɛn m̈ɛn Lɛmɛk, liɛŋɛ ruacdä.
Ɣän cä raan näk kɛ ɤöö cɛ ɤä moc buɔ̲t, ŋuɛ̈t
mi ci ɤä yɔ̲t. 24 Ni cuɔlkɛ Kɛyn ni kä
bärɔw, ɛpuc, ɛpuc cut Lɛmɛk baa jɛn bärɔw
wi̲cdɛ bärɔw."

(Page 14)

25 Cu Adam lɛ ni niɛɛn kɛ ciekdɛ, cu ciekdɛ
gat dieth, kä cuɛ ciötdɛ cɔl i Thɛth kɛ ɤöö
cɛɛ lar, i Ci Kuoth ɤä lɛ ruɔ̲ny gat dɔdiɛn
kɛ gua̲a̲ Ebɛl kɛ ɤöö ci Kɛyn ɛ näk. 26
Thɛth bä cuɛ gat mi dho̲o̲l dieth, cuɛ ciötdɛ
cɔl i Inɔc. En guäth ɛmɔ cu naath ɛ coo tok
kɛ mi cɔal kɛ ciöt Jaopa.

Nuer Field Project Nouns Verbs Verb Book Expressions Grammar Genesis Others