Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 40

1 Mëë wëë tey inɛ kɛ kɔr nɛmɛkä cu deeth
mi̲thni kua̲r Ijipt kɛnɛ thäät jurayni gua̲a̲c
kɛ kuääriɛn in la kuäär Ijipt in di̲i̲t. 2
Cu Përow lɔcdɛ jiääk kɛ pɛndieetkɛ da̲ŋ rɛw,
kuäär in la mi̲th a no̲o̲ŋ wi̲c tharbetä kɛnɛ
kuäär in la jurayni a thaal. 3 Cuɛ kɛ
la̲th rɛ̈y duëël yieenkä mi caa a ga̲kɛ, dueel
kua̲r rɛ̈m mi këŋ rɛy karɛkon kä gua̲a̲ caa
Jothɛp kuëŋ thi̲n. 4 Cu kuäär duëël yieenkä
kɛ ka̲m Jothɛp, cuɛ kɛ a yienɛ, cukɛ liep
yieenkä ɛn guäth ɛmɔ kɛ gua̲a̲th mi wä nhiam.
5 Kä cukɛ la̲a̲k läk ikä kɛ wäär kɛl. No̲o̲ŋ
mi̲thni kɛnɛ thäät jurayni kua̲r Ijipt in
di̲i̲t tëë caa yian dueel yieenkä, ramɔ kɛ
la̲kdɛ kɛ la̲kɔ kɛ luɔtdɛ. 6 Mëë wä Jothɛp
ben kä kɛ kɛ runwaŋ cuɛ kɛ nɛn 'ci lo̲ckiɛn
tɛth. 7 Cuɛ kua̲r la̲t kua̲r in di̲i̲t ni
Përow tëë te kɛɛl kɛ ji dueel kua̲rɛ yieenkä
coo thiec, "E ŋu ci lo̲ckun jiath inɔmɔ walɛ?"

(Page 155)

8 Cukɛ jɛ jiök, "Cakɔ la̲a̲k läk ikä, kä
thilkɔ ram lukɔ ciökiɛn," kä cu Jothep kɛ
jiök, " ' Ci luɔ̲cdiɛn ŋäc ni Kuoth? Ŋɔalɛ
kɛ la̲r ɤä." 9 Cu kuäär in la mi̲th a naŋ
la̲kdɛ coo la̲t Jothɛp, cuɛ jɛ jiök, "Kɛ la̲kdä,
tëë kɛ jiath mi te nhiamdä, 10 te wi̲cdɛ
kɛ kar da̲ŋ diɔ̲k, kä ni ɛɛn ŋuɔl in nuɔl kɛ
kɛ cu gaaknikɛ coo ɤa̲r, kä cu thuaarɛ rɔ coo
looc ni dɛykɛ. 11 Ɣän rɔamä liɛɛr kua̲r ni
Përow kɛ tetdä, cuaa dɛykɛ pon, kä cuaa kɛ
nhiaac rɛy lirä Përow, kä cuaa liɛɛr ka̲m
Përow." 12 Cu Jothɛp ɛ coo jiök, i "Täämɛ
luɔt läkädu mɛ, cuɛ wee, täämɛ kɛn kar da̲ŋ
diɔ̲k titi cetkɛ kɛ ni̲n da̲ŋ diɔ̲k. 13 Kä kɛ
kɔr ni̲ni da̲ŋ diɔ̲k bi kuäär ni Përow ji jak
kä kapi wi̲cdu nhial, kä bɛ ji nyɔk kɛ loc
lätdu, kä bi ji̲n ɛ nyɔk kɛ no̲ŋ liɛɛr cet ni
kɛ ta̲a̲ ëë lät kɛ yɛ mëë lapi deeth mi̲thni.
14 Kä ji̲n lapni ɤä a tiiti mi wä duŋdu rɔ
wä lot, kä lätni ɤä kä mi gɔaa, kä lapni ɤä
a nyääli nhiam Përow kɛ ɤöö bɛ ɤä ka̲m raar
dueel ɛmɛ.

(Page 156)

15 Kɛ ɤöö ɛpuc ɤän caa ɤä kuëël raar muun
Hi̲i̲bɛru, kä mäni wanɛmɛ thilɛ mi jiääk mi cä
la̲t mi kua lɛ yiɛɛn ni ɤä."
16 Täämɛ mëë ci thäät jurayni in di̲t ni jɛn
ɛ ŋa̲c ɛn ɤöö ci la̲k in nhiam te kɛ luɔt mi
gɔaa cuɛ Jothɛp jiök, "Mäni ɤän bä ta̲a̲ kɛ
la̲k. Tëë kɛ diënyni jurayni da̲ŋ diɔ̲k ti te
wi̲i̲dä. 17 Caa kɛ do̲r wi̲i̲dä, te diɔ̲nyɔ wii
diönyɔ, te jurayni gööli ti caa thal kɛ kui̲c
Përow rɛy kä min te nhial, kä te diit nhial
thi̲n cam kɛn kɛ. 18 Kä cu Jothɛp ɛ loc,
"Mɛmɛ ɛ jɛn luɔt läkädu: Diöyni da̲ŋ diɔ̲k
kɛ ni̲n da̲ŋ diɔ̲k. 19 Kä kɛ kɔr ni̲ni da̲ŋ
diɔ̲k kuäär ni Përow bɛ ji jak kä kapi wi̲cdu
nhial, kä bɛ ji ŋap wi̲c jiaath, kä baa ri̲ŋdu
cam ɛ diit nhial.
20 Kä kɛ diɔ̲ɔ̲k ni̲ni min la cäŋ ti̲mkä dapkä
Përow, cuɛ mi̲th ti ŋuan lät kä la̲a̲tkɛ diaal.
Kä cuɛ deeth mi̲thni min di̲t ni jɛn jak kä
kapɛ wi̲cdɛ nhial nhiam la̲a̲tnikɛ, 21 kɛnɛ thäät
jurayni, kä cuɛ deeth mi̲thni luɔc gua̲a̲th
la̲tdɛ, cuɛ liɛɛr wä la̲th tetä Përow.

(Page 157)

22 Kä cuɛ thäät jurayni min di̲i̲t ŋap cet
ni kɛ luɔc ëë luc Jothɛp ɛ kɛ. 23 Kä cäŋ
ci Jothɛp lät inɔ kɛ kɛ bä cu deeth mi̲thni
mim di̲i̲t Jothɛp pa̲l ruëëc.

Nuer Field Project Nouns Verbs Verb Book Expressions Grammar Genesis Others