Nuer Field Project

Nouns Verbs Verb Book Expressions Pedagogical Grammar of Nuer Translation of Genesis in Nuer Others

Bible Translation

Cio̲o̲k 8

1 Cu Kuoth Nowa tim a mäni ley diaal, kɛ
ɤɔ̲k diaal ti te kɛ jɛ kɛɛl rɛy babuurä. Cu
Kuoth jiɔm jak kä put wi̲c muɔ̲ɔ̲n, kä cu pi
do̲n. 2 Cu pi bapdiitni ti ci kac nhiaal
gaŋ jɔk nhial. 3 Kä cu pi loc piny a wee
wä kɛ pek ni̲ni ti kuɔ̲r kɛl wi̲cdɛ jɛn dhieec.
Cu pi loc ni guäthnikiɛn. 4 Kä kɛ bärɔw
päthni kɛ wäl bärɔw ni̲ni cu baabuur kɔ̲k wi̲c
pa̲a̲m mi cɔal i Ara-rat. 5 Kä cu nyɔc ŋot
kɛ wä piny cu mäni wäl päthni. Kɛ wäl
päthni kɛ cäŋ kä kɛl cuaa wäth päämni guic.
6 Kɛ pek ni̲ni ti jɛn ŋuaan cu Nɔwa wernyin
babuurä mi cɛ la̲t lɛp. 7 Cuɛ jakɔ̲k jäk kä
raar, cua wëë kä bëë mäni kööt piɛny. 8
Täämɛ cuɛ guuk ja̲k kɛ ɤöö bɛɛ ŋa̲c mi ci pi
wä piny wi̲c muɔ̲ɔ̲n. 9 Kä cu guuk thil gua̲a̲th
mi deyɛ nyuur thi̲n, cuɛ luny rɛy baburrä kɛ
ɤöö ŋot pi piny ɛlo̲ŋ wi̲c muɔ̲ɔ̲n. Cuɛ tetdɛ
ruɛny raar, cuɛ jɛ nööŋ rec babuurä. 10
Cuɛ lɛ liep kɛ ni̲n bärɔw kɔkiɛn, kä cuɛ guuk
lɛ ni nyɛk kɛ jäkni.

(Page 25)

11 Kä cu guuk luny kä jɛ kɛ thiaŋ, kä
nɛ̈nɛ jɛ, cue ben a te thokdɛ kɛ ji̲th jiaath
mi tɔt mi cɔal i Ɔlip. Cu Nowa jɛ coo ŋa̲c
i ci pi diaal wä piny wi̲c muɔ̲ɔ̲n. 12 Täämɛ
cuɛ lɛ ni liep kɛ ni̲ni bärɔw kɔkiɛn, cuɛ
guuk lɛ ni nyɔk kɛ jäkni, 'kenɛ luny jɔk lɛ
nyɔk kä jɛ.
13 Kɛ kɔr runi ti kur bäkɛl wi̲cdɛ kɛl, kɛ
jio̲l päthni, kɛ cäŋ in jio̲l kä pay, cu pi
do̲n piny, cu piny coo kööt. Kä cu Nowa wi̲c
babuurä lɛp, cuɛ ɤɔw guic, kä cuɛ nɛn ci
piny kööt. 14 Kɛ rɛw päthni kɛ cäŋ kä jɛn
rɛw wi̲cdɛ bärɔw kä pay, cu piny kööt. 15
Täämɛ cu Kuoth Nowa jiök, 16 "Wër raar
rɛy babuurä, ji̲n yɛnɛ ciekdu, kɛ gaatku, kɛ
män ganku kɛɛl. 17 No̲o̲ŋni ŋɔak diaal raar
ti tëk kɛ ji kɛɛl kä ri̲ŋ diaal, diit, kɛ ley,
kɛɛ muɔɔl diaal tin laa mol piny kɛ ɤöö bikɛ
ro dieth ɛlo̲ŋ, bikɛ ro kuay, kä baa ro rep
wi̲c muɔ̲ɔ̲n." 18 Cu Nowa coo wä raar kɛnɛ
gaatkɛ, kɛ ciekdɛ, kɛ män gankɛ kɛɛl.

(Page 26)

19 Kɛ leɛ diaal, kɛ muɔɔl piɛny diaal, kɛ
diit diaal, kɛ ŋɔak diaal ti jäl wi̲c muɔ̲ɔ̲n
cukɛ wä raar rɛy babuurä kɛ dörkiɛn.
20 Täämɛ Nowa cuɛ Jaopa lät kä gua̲a̲th, cuɛ
ley tin camkɛ kɛl a känɛ kä do̲rɔ, kɛnɛ diit
kä diit tin camka, cuɛ loori tin laa nyɔ̲a̲rkɛ
thöp thi̲n. 21 Mëë ci Jaopa ŋuäny mi gɔaa
ŋuäc cu Jaopa jɛ lar kɛ lɔcdɛ, " 'Cä mun bi
lɛ met lam kɛ kui̲c ran a cäŋ ci cäät cärä
lo̲cni nath jiääk ni ŋuɛɛtädiɛn. 'Cä ri̲ŋ
diaal ti tëk bi lɛ met däk cet kɛ mi cä la̲t.
22 'Ci gua̲a̲ pi̲thä kɛnɛ gua̲a̲ ciëc, kɛ gua̲a̲
kɔ̲a̲c kɛnɛ gua̲a̲ lëth, kɛ gua̲a̲ ruëël kɛnɛ gua̲a̲
jɔam, kɛ wäär kɛnɛ cäŋ bi met thil, gua̲a̲ ŋot
piny tëë wanɔ."

(Page 27)

Nuer Field Project Nouns Verbs Verb Book Expressions Grammar Genesis Others